«markaziy bank» tegli maqolalar
Markaziy bank Oson`ning litsenziyasini tikladi
Markaziy bank Brio Group MCHJning (Oson brendi) to‘lov tashkiloti faoliyatini amalga oshirish uchun litsenziyasini tikladi. Kompaniya litsenziyasining amal qilish muddati 17-oktabrda to‘xtatib qo‘yilgandi. Undan avval esa Oson`ga qonun talablarini buzgani uchun jarima sanksiyasi qo‘llangan.
Markaziy bank O‘zbekiston aholisining ta’lim xarajatlari oshganini qayd etdi
O‘zbekiston Markaziy banki tomonidan o‘tkazilgan so‘rov natijalari aholi bilim olish va sayohatga ko‘proq mablag‘ sarflay boshlaganini ko‘rsatdi. Respondentlarning kelajakdagi xarajatlari tarkibida ta’lim birinchi o‘rinni egalladi.
“Bozorga allaqachon salbiy ta’sir qildi”. Georgiy Paresishvili — MBning yuridik shaxslar uchun valyuta konvertatsiyasi bo‘yicha o‘zgartirishlar loyihasi haqida
Markaziy bankning valyutani sotib olish shartlarini o‘zgartirishga oid loyihasi fond bozoriga allaqachon salbiy ta’sir ko‘rsatdi, dedi “Toshkent” fond birjasi rahbari Georgiy Paresishvili. U konvertatsiyani murakkablashtirish investorlarni cho‘chitishini ta’kidladi va jarayonni soddalashtirish tarafdori ekanini aytdi.
“Ortga qaytish bo‘lmaydi”. Markaziy bank — valyuta konvertatsiyasi qoidalariga o‘zgartirishlar kiritilayotgani haqida
Markaziy bank konvertatsiya qoidalariga kiritilayotgan o‘zgartirishlar “valyuta operatsiyalarini cheklashni emas, amaldagi normalarni aniqlashtirish va operatsiyalarni amalga oshirish jarayonini soddalashtirishni” anglatishini ta’kidladi. MB raisi o‘rinbosari Bobir Abubakirov “orqaga qaytish bo‘lmasligini” aytdi.
Oktabrda O‘zbekistonning oltin-valyuta zaxiralari deyarli 2 mlrd dollarga ko‘paydi
O‘zbekistonning oltin-valyuta zaxiralari ketma-ket olti oylik kamayishdan so‘ng oktabr oyida deyarli 2 mlrd dollarga ko‘paydi. Zaxiralar miqdori sentabrda 2020-yil aprelidan beri eng past ko‘rsatkichga tushib ketgandi. Xalqaro zaxiralar miqdori oshganiga qaramay, oltinning fizik hajmi kamaygan.
O‘zbekistonda yuridik shaxslar uchun chet el valyutasini sotib olishda nazoratni kuchaytirish rejalashtirilmoqda
O‘Zbekiston Markaziy banki yuridik shaxslar uchun chet el valyutasini sotib olish shartlarini o‘zgartirishni taklif qilmoqda. Valyuta sotib olishda zarur bo‘ladigan hujjatlar soni ortishi, norezidentlardan milliy valyutadagi mablag‘larning kelib chiqishi qonuniyligini ta’minlash va boshqalar talab qilinishi mumkin.
Nobank tashkilotlarga valyuta ayirboshlash shoxobchalari ochishga ruxsat berish niyatimiz yo‘q — Mamarizo Nurmuratov
Markaziy bank raisi Mamarizo Nurmuratov regulyatorda nobank tashkilotlarga valyuta ayirboshlash shoxobchalari ochishga ruxsat berish niyati yo‘qligini ma’lum qildi. Shuningdek, u banklar valyuta ayirboshlash shoxobchalari sonini o‘z ehtiyojidan kelib chiqib ko‘paytirishini ta’kidladi.
“Strategik investorlar bilan muzokaralar olib borilmoqda”. MB rahbari — “Poytaxt bank”ning sotilishi haqida
Markaziy bank raisi Mamarizo Nurmuratov to‘rtta bank ustav kapitalini o‘z vaqtida talab etilgan darajagacha oshirmaganini ma’lum qildi. “Poytaxt bank” sotuvga qo‘yilgani uchun unga nisbatan sanksiyalar qo‘llanmagan, yana ikkita bankka esa majburiyat qo‘yilgan.
Markaziy bank yana qariyb 2 mlrd dollarlik valyuta intervensiyalarini amalga oshirdi
Uchinchi chorakda O‘zbekiston Markaziy banki 19,5 trln so‘mga oltin sotib oldi, biroq 22,8 trln so‘mlik (1,9 mlrd dollar) valyuta intervensiyalarini amalga oshirdi.
Rossiya Markaziy banki asosiy stavkani ketma-ket to‘rtinchi marta oshirdi
Rossiya Markaziy banki asosiy stavkani 13 foizdan 15 foizga oshirdi. Ushbu qaror inflyatsiya bosimining sezilarli darajada oshgani va kreditlashning yuqori o‘sish sur’atlari bilan izohlandi. Rossiya Markaziy banki 2023-yil iyulidan beri ketma-ket to‘rtinchi marta asosiy stavkani oshirdi.
Imtiyozli kreditlash amaliyotini qisqartirish bo‘yicha choralar davom ettiriladi — MB
Markaziy bank kelgusi yillarda pul-kredit siyosati ta’sirchanligini oshirishda imtiyozli kreditlash amaliyotini qisqartirish va bozor tamoyillari asosida shakllanuvchi foiz stavkalariga o‘tish borasida choralarni davom ettirishini bildirdi.
Kreditlar haqidagi ma’lumotlarni oshkor qilmagan 16 ta bank jarimaga tortildi
O‘zbekiston Markaziy banki 16 ta bankni mijozlarga kredit va omonatlar haqidagi ma’lumotlarni to‘liq oshkor etmagani uchun jarimaga tortdi.
MB: 5 foizlik inflyatsion targetga erishish davri 2025 yoki 2026-yil yakuniga to‘g‘ri kelishi kutilmoqda
Markaziy bank bir nechta omilni inobatga olib, 2 ta ssenariy asosida keyingi yillarda makroiqtisodiy rivojlanish yo‘nalishlarini ishlab chiqdi. 5 foizlik inflyatsion targetga erishish davri asosiy ssenariyda 2025-yilning ikkinchi yarmiga, muqobil ssenariyda 2026-yil yakuniga to‘g‘ri kelishi kutilmoqda.
Markaziy bank asosiy stavkani 14 foiz darajasida o‘zgarishsiz qoldirdi
Markaziy bank asosiy stavkani yillik 14 foiz darajasida saqlab qolish to‘g‘risida qaror qabul qildi. Asosiy stavkaning joriy darajasi yil oxiriga qadar inflyatsiyaning prognoz ko‘rsatkichlari doirasida shakllanishi uchun zaruriy pul-kredit sharoitlarini ta’minlashga xizmat qiladi, deyiladi regulyator bayonotida.
O‘zbekistonda mikroqarzlar limitini oshirish reja qilinmoqda. Sabablar va risklar
O‘zbekistonda mikroqarzlarning maksimal summasini 100 mln so‘mgacha oshirish taklif qilinmoqda. MB buni talab ortayotgani va qarz oluvchilarning o‘zini o‘zi band qilish imkoniyati kengayayotgani bilan izohladi. Qonun loyihasi hukumatning yopiq qarori bilan tayyorlangan. Mutaxassis tashabbusning risklarini sanadi.
O‘zbekistonning oltin-valyuta zaxiralari yana 1,65 mlrd dollarga, yil boshidan esa 4,73 mlrd dollarga kamaydi
O‘zbekistonning oltin-valyuta zaxiralari ketma-ket oltinchi oyda kamayib, 2020-yil aprelidan beri eng past ko‘rsatkichga — 31,04 milliard dollarga yetdi. sentabr oyida zaxiralar 1,65 milliard dollarga kamaydi, yil boshidan esa mamlakatning “moliyaviy xavfsizlik yostig‘i” 4,7 milliard dollarga kamaydi.
MB so‘rovida qatnashganlarning aksariyati sentabrda non va un narxi sezilarli oshganini qayd etdi
Sentabrda O‘zbekistonda sezilgan inflyatsiya darajasi 13,3 foizgacha pasaydi. Daromadi 10 mln so‘mgacha bo‘lgan respondentlarning aksariyati non va un, 10−15 mln so‘m bo‘lganlar benzin va yoqilg‘i, 15 mln so‘mdan yuqori bo‘lganlar esa meva va sabzavotlar narxi sezilarli darajada oshganini qayd etdi.
Aholi va biznesning inflyatsion kutilmalari pasaydi
Sentabr oyida O‘zbekistonda aholi va biznesning inflyatsion kutilmalari pasaydi. Aholi va tadbirkorlarning valyuta kursi o‘zgarishidan xavfsirashi biroz pasaygan, lekin yoqilg‘i va energiya narxi oshishini qayd etgan respondentlar ulushi ketma-ket beshinchi oy oshmoqda.
Markaziy bank AVO bank`ga kredit berish va boshqa operatsiyalarni amalga oshirishni taqiqladi
Markaziy bank Bank nazorati qo‘mitasi AVO bank`ga (sobiq “O‘zagroeksportbank”) ustav kapitalini talab qilingan darajaga — 200 mlrd so‘mga yetkazmagani uchun kreditlash va boshqa xarajatlarni moliyalashtirish hamda depozit operatsiyalarini amalga oshirishni taqiqladi.
MB raisi — to‘lov xizmatlari uchun xalqaro pul o‘tkazmalari cheklangani sabablari haqida
To‘lov tizimlari mijozlar nomidan konvertatsiya bilan bog‘liq operatsiyalarni amalga oshirib, buni eksport tushumi sifatida ko‘rsata boshladi, dedi Markaziy bank raisi. Ular, shuningdek, pulni jo‘natuvchi va oluvchilar kim ekanini aniqlashtirmadi, shu sababli cheklovlar kiritish kerak bo‘ldi, deya qayd etdi u.
Eng ko‘p o‘qilgan xabarlar | So‘nggi yangiliklar
- O‘zbekistonda 17−23-fevral kunlari ob-havo qanday bo‘ladi? “Gazeta.uz” sharhi
- O‘zbekistonliklar muhandislik sohasi bo‘yicha Germaniyaga ishga taklif qilinmoqda
- Hafta davomida harorat +20 darajagacha ko‘tariladi
- Sirdaryoda o‘qituvchini kaltaklagan ayol ruhiy kasalliklar shifoxonasiga joylashtirildi (1)
- Kambag‘al oilalarga tadbirkorlik bilan shug‘ullanish uchun foizsiz ssudalar ajratiladi
Qo‘shimcha imkoniyatlardan foydalanish uchun saytda ro‘yxatdan o‘ting